Wrth chwarae snwcer yn y sied un prynhawn, mae Sgwid Beynon yn gweld rhywbeth rhyfedd yn yr ardd drws nesa sy'n peri iddo adael ei gartref ym Mhencelyn a neidio ar y tren i Lundain. Yno, mae'r cwmni teils byd-enwog y mae tad Sgwid yn gweithio iddo, Stardust Tiles, yn lansio teils newydd - yr Angel Wings. Mae Sgwid am rybuddio Dustin Starr, y dyn ifanc sy'n berchen y cwmni ac a gynlluniodd y teils, o'r hyn a welodd e yn yr ardd. Ond pam mae'r dyn gyda gwallt slic a chroen fel lledr yn ei ddilyn bob cam i'r brifddinas? A pham nad yw'n gallu cysylltu a'i rieni? Mae Sgwid yn cael ei hun mewn sawl sefyllfa beryglus cyn cael yr atebion.