Winner of the 2021 Silver Medal for Best Illustrator, Moonbeam Children's Book Awards Ma kekahi huaka'i kula i ka Hale Ho'ike'ike 'o Bihopa ma Honolulu, ua ilihia 'o Manu a me kona mau hoa papa i ka pa'u mai ka wa kahiko loa, i haku 'ia me ho'okahi miliona mau hulu manu 'o'o, kekahi manu maoli Hawai'i i kala loa kona nalowale ana. Ua maopopo ia Manu ka mana'o o kona inoa Hawai'i piha, Manu'o'omauloa: "E mau ke ola o ka manu 'o'o." Aka, no ke aha la 'o ia i kapa 'ia ai i ka inoa no kekahi manu nalowale loa? Ua ha'i 'o Manu i kona mau makua no kona 'i'ini e ho'onui a'e i kona 'ike no ka manu 'o'o, no laila ua 'imi pu lakou ma ka punaewele. I ia la a'e, ua ho'ike ko Manu kumu i na 'ike hou i kona papa. Nui na mea e a'o ai! I ke ahu ana o na 'ike hou ma loko ona, nui na moe'uhane lapaku o Manu i ka manu nona kona inoa. Ma hope o kekahi huaka'i ho'opuiwa i ka mokupuni 'o Hawai'i, kahi e 'ike maka ai ka 'ohana i na manu maoli Hawai'i o ka wao kele i ko lakou wahi noho, akahi no a maopopo iho ka mana'o o kona inoa a me ke 'ano e kokua a kako'o ai o ia i ke ola o na manu a me na wao kele. 'O Manu, ke Keiki Aloha Manu he mo'olelo no ka nalowale loa, ka maluo, a me ka 'ike kupuna, i ha'i ia maila ma o ka 'ike o ke keiki a me kona noi'ina. A'o 'ia ka mea heluhelu me Manu no ka manu mukiki nalowale loa nona ka inoa i kapa ia ai o ia, kona ho'oilina 'ike kupuna Hawai'i, a ka pilina ma waena o na holoholona a me ke kaianoho.

I ka 'olelo hope, komo aku no na 'ike kikoi o na manu wao kele Hawai'i a me na hulu ali'i o Hawai'i, ka papa wehewehe olelo, a me ka papa no na hana e kokua ai. Ho'owehi 'ia me na pa'i palaka i pa'a 'ia me na waiho'olu'u, ho'ike keia puke i ke akeakamai kaiaola ma ke 'ano kupanaha, me ka wele pu mai i ala no kakou e ho'ola mau ai i na holoholona a me na kaiaola.